سىزدە مۇنداق بىر كەچۈرمىش بولغانمۇ ئەتىگەندە ئورنىڭىزدىن تۇرغاندا قوڭغۇراقلىق سائەت توختىماي سايرايدۇ، لېكىن سىز يەنە بىردەم ئۇخلىۋېلىشنى ئويلايسىز؟ نۇرغۇن كىشىلەرنىڭ كۈندىلىك ئۇخلاش ۋاقتى ئالتە سائەتتىن ئېشىپ كەتمەسلىكى ياكى سەككىز سائەتمۇ كەلمەسلىكى مۇمكىن، لېكىن بۇ ئىككىسىنىڭ پەرقى راستتىنلا شۇنداق مۇھىممۇ؟ بۈگۈن بىز ھەر كۈنى ئالتە سائەت ۋە سەككىز سائەت ئۇخلايدىغان كىشىلەرنىڭ بەدىنىدە قانداق پەرقلەرنىڭ پەيدا بولىدىغانلىقىنى كۆرۈپ باقايلى.
تەسەۋۋۇر قىلىپ بېقىڭ، ئەگەر ئۆيدىكى كىرئالغۇنى ئىككى يىل ئاسرىمىغاندا، ئاۋازى يوغىناپ، ئۈنۈمى ناچارلىشىپ كېتىشى مۇمكىن. بىزنىڭ بەدىنىمىزمۇ ئەمەلىيەتتە ئوخشاش. ئالىملارنىڭ تەتقىقاتىغا ئاساسلانغاندا، ئۇخلاش بەدەننى «تولۇقلايدىغان» ۋە «زەرەتلەيدىغان» ھالقىلىق پەيت ئىكەن. ھەر كۈنى پەقەت ئالتە سائەت ئۇخلايدىغان كىشىلەرنىڭ بەدىنى خۇددى ئاسرالمىغان كىرئالغۇغا ئوخشايدۇ، گەرچە يەنىلا خىزمەت قىلالىسىمۇ، لېكىن ئۈنۈمى تۆۋەنلەپ، ئىچكى زاپچاسلىرىمۇ ئۇپراپ كېتىشى مۇمكىن.
ئەگەر بىر ئادەم سەككىز سائەت تولۇق ئۇخلىسا، ئۇنىڭ بەدىنىنىڭ ھۈجەيرىلەرنى ئەسلىگە كەلتۈرۈش ۋە ئىممۇنىتېت سىستېمىسىنى كۈچەيتىشكە يېتەرلىك ۋاقتى بار بولىدۇ. بۇنداق بولغاندا، تېرە تېخىمۇ ياخشى بولىدۇ، بەدەننىڭ قارشىلىق كۈچىمۇ تېخىمۇ كۈچىيىدۇ، يەنە ئۇزاق مۇددەتلىك كېسەللىك خەۋپىنى ئازايتقىلى بولىدۇ. ئەكسىچە، ئەگەر دائىم ياخشى ئۇخلىمىسا ياكى يېتەرلىك ئۇخلىيالمىسا، بەدەننىڭ «رېمونت قىلىش» خىزمىتى تەسىرگە ئۇچراپ، ھارغىنلىق ھېس قىلىشى، ئاسان كېسەل بولۇپ قېلىشى، ھەتتا باشقا ساغلاملىق مەسىلىلىرىمۇ پەيدا بولۇشى مۇمكىن.
بەزى تەتقىقاتلاردا بايقىلىشىچە، ئەگەر كەچتە ئۇخلاش ۋاقتى ئالتە سائەتكە يەتمىسە ئادەمنىڭ زېھنىي كۈچى، نەرسىلەرنى ئەستە تۇتۇش ئىقتىدارى ۋە قارار چىقىرىش ئىقتىدارى ناچارلىشىپ كېتىدىكەن. چوڭ مېڭە ئۇخلاش جەريانىدا رەتلەش ۋە ئەستە تۇتۇش قابىلىيىتىنى مۇستەھكەملەشكە موھتاج بولۇپ، ئالتە سائەتلىك ئۇيقۇ بۇ جەرياننى تاماملاشقا يەتمەسلىكى مۇمكىن. نۇرغۇن كىشىلەر ئالتە سائەت ئۇخلىغاندىن كېيىن يەنىلا نورمال خىزمەت قىلالايمەن دەپ قارايدۇ، لېكىن سىز بەزىدە ئاسانلا كىچىك خاتالىق سادىر قىلىپ، تۈنۈگۈن يۈز بەرگەن ئىشلارنى ئېسىڭىزدە تۇتالمايدىغانلىقىڭىزنى ھېس قىلدىڭىزمۇ؟ بۇ ئەمەلىيەتتە ئۇيقۇ يېتەرلىك بولماسلىقنىڭ ئىپادىسى.
سەككىز سائەت ئۇخلايدىغان كىشىلەرنىڭ چوڭ مېڭىسى تولۇق ئارام ئېلىپ ۋە رەتلەپ، يېڭى كۈندىكى خىرىسقا تېخىمۇ ياخشى يۈزلىنەلەيدۇ. بۇ خۇددى رەتلىك كىتاب جازىسىغا ئوخشاش، ئۇلار تېز سۈرئەتتە كېرەكلىك ئۇچۇرلارنى تاپالايدۇ، تەرتىپسىز تەپەككۇر قاينىمىغا پېتىپ قالمايدۇ. شۇڭا، سەككىز سائەت ئۇخلاش بەدەننىڭ ئارام ئېلىشىدىن دېرەك بېرىپلا قالماي، يەنە چوڭ مېڭىنىڭ ھاياتىي كۈچىنى قايتا جانلاندۇرۇشنىڭ زۆرۈر بۇيۇمى ھېسابلىنىدۇ.
سىز ئۇيقۇغا قانمىغاندا كەيپىياتىڭىزنىڭ ئاسانلا كونتروللۇقىنى يوقىتىدىغانلىقىغا دىققەت قىلغان بولۇشىڭىز مۇمكىن. ھەر كۈنى پەقەت ئالتە سائەت ئۇخلايدىغان كىشىلەر بېسىمغا دۇچ كەلگەندە ئاسانلا كەيپىياتىدا داۋالغۇش پەيدا بولىدۇ، بۇ ئەمەلىيەتتە چوڭ مېڭىدىكى كەيپىياتنى تەڭشەش رايونى بىلەن مۇناسىۋەتلىك. ئەگەر ئۇيقۇ يېتەرلىك بولمىسا بىزنىڭ كەيپىياتنى باشقۇرۇش ئىقتىدارىمىز ناچارلىشىپ كېتىدۇ، بۇنىڭ بىلەن تۇرمۇشتىكى قىيىن مەسىلىلەر ۋە خىرىسلارغا دۇچ كەلگەندە، تېخىمۇ قىيىن ھېس قىلىمىز.
بىر بىمار ئىلگىرى ماڭا ئۆزىنىڭ ھەر كۈنى پەقەت بەش-ئالتە سائەتلا ئۇخلىيالايدىغانلىقىنى، ھەر كۈنلۈك تۇرمۇشىنىڭ خۇددى بىر مەيدان جەڭگە تاقابىل تۇرغاندەك ھېس قىلىدىغانلىقىنى ئېيتقان. مەيلى خىزمەتتە يولۇققان كىچىك مەسىلىلەر بولسۇن ياكى ئۆيدىكى كۈندىلىك ئۇششاق-چۈششەك ئىشلار بولسۇن، ئۇنىڭغا ئېغىر بېسىم ھېس قىلدۇرۇپ، تاقابىل تۇرۇش تەس بولغان. ئۇ دەم ئېلىش ۋاقتىنى تەڭشەپ، ھەر كۈنى سەككىز سائەت ئۇخلاشقا كاپالەتلىك قىلغاندىن كېيىن كەيپىياتى كۆرۈنەرلىك ياخشىلانغان، بېسىمغا دۇچ كەلگەندە تېخىمۇ تەمكىن بولغان. بۇ خىل ئۆزگىرىش تاسادىپىي ئەمەس، بەلكى چوڭ مېڭە تولۇق ئارام ئالغاندىن كېيىن، تاشقى مۇھىتنىڭ غىدىقلىشىغا تېخىمۇ ياخشى تاقابىل تۇرىدۇ.
گەرچە كۆپچىلىك قۇرامىغا يەتكەنلەر ئەڭ ياخشىسى سەككىز سائەت ئۇخلىسا ياخشى، دېگەن بولسىمۇ، لېكىن ئەمەلىيەتتە ھەر بىر ئادەم ئېھتىياجلىق بولغان ئۇخلاش ۋاقتى ئوخشىمايدۇ. بەزىلەر يەتتە سائەت ئۇخلىسىلا روھى كۆتۈرەڭگۈ بولۇپ قېلىشى مۇمكىن، بەزىلەر توققۇز سائەت ئۇخلىغاندىن كېيىن ئاندىن ئۈزۈل-كېسىل ئارام ئالغاندەك ھېس قىلىدۇ. شۇڭا، مۇھىمى ئۆزىنى ئەڭ راھەت ھېس قىلدۇرىدىغان ئۇخلاش ۋاقتىنى تېپىش كېرەك.
ئاددىي تەكلىپ بولسا، ئۆزىنىڭ بەدەن سىگنالىنى كۆزىتىش. ئەگەر ھەر كۈنى ئويغانغاندىن كېيىن يەنىلا ھارغىنلىق ھېس قىلسا ياكى كۈندۈزى ئاسان ئۇيقۇسى كەلسە، ئۇنداقتا ئۇخلاش ۋاقتىنى ئۇزارتىشقا توغرا كېلىدۇ. ھەر كۈنى ۋاقتىدا ئۇخلاپ، ۋاقتىدا ئورنىڭىزدىن تۇرۇپ، ئوخشاش ۋاقىتتا تۇرۇشنى سىناپ بېقىڭ، بۇ سىزنىڭ بەدىنىڭىزدە ياخشى ئارام ئېلىش ئادىتىنى يېتىلدۈرۈشىڭىزگە ياردەم بېرىدۇ.
ئۇيقۇ راھەت-پاراغەت ئەمەس، بەلكى ساغلام ۋە يۇقىرى ئۈنۈملۈك تۇرمۇشنى ساقلاشنىڭ ئاساسى. بىز بىرلىكتە ئۇيقۇ سۈپىتىمىزگە دىققەت قىلىپ، ئىشنى كىچىكىدىن باشلاپ، بەدەن ۋە چوڭ مېڭىنى تېخىمۇ ياخشى ئاسراش ۋە ئەسلىگە كەلتۈرۈش پۇرسىتى بىلەن تەمىنلەيلى، نېمىلا دېگەن بىلەن خۇددى كىرئالغۇغا ئوخشاش، دەل ۋاقتىدا ئاسراش كېرەك ئۇ بىزگە تېخىمۇ ياخشى مۇلازىمەت قىلالايدۇ، ئۇ ئۇزاققىچە داۋاملىشىدۇ.
| خۇش كەپسىز Discuz! Board (http://tibabat.com/) | Powered by Discuz! X3.3 |
