ئورۇقلاشنىڭ مۇۋەپپەقىيەتلىك بولۇش ياكى بولماسلىقىدا، يېمەك-ئىچمەكنىڭ ئىلمىي بولۇش-بولماسلىقى ئىنتايىن مۇھىم. بۇ يەردىكى ئىلمىي يېمەك-ئىچمەك يېمەك-ئىچمەكنى ئازايتىشنى كۆرسەتمەيدۇ، ئۇنداقتا، قانداق قىلغاندا مەززىلىك تەم ۋە گۈزەللىكتىن ئىبارەت ئىككىسىگە ئىگە بولغىلى بولىدۇ؟
كۆپچىلىككە بىرنەچچە ئورۇقلاش رېتسېپىنى تونۇشتۇرىمىز، ئۇنىڭ ئورۇقلاۋاتقان سىزگە ياردىمى بولۇشىنى ئۈمىد قىلىمەن!
كۆكتات-مېۋە سالات (蔬果沙拉)
سالات ئورۇقلاشقا ياردەم بېرىدۇ، قەۋزىيەتنى ياخشىلايدۇ، ئۇ بىر خىل ساغلام يېمەكلىك. ئۇنداقتا سالاتنى قانداق قىلغاندا ئورۇقلىتىش ئۈنۈمىنى يوقاتماي تېخىمۇ تەملىك قىلغىلى بولىدۇ؟
يېمەكلىك ماتېرىياللىرىنى تاللاشقا ئالاھىدە ئەھمىيەت بېرىلىدۇ، ئىسسىقلىق مىقدارى تۆۋەن بولۇشى كېرەك، بولمىسا ئەھمىيىتى بولمايدۇ. تەرخەمەك، پەمىدۇر، ئالما، تۇخۇم ئېقى، خام سەي قاتارلىقلارنىڭ ھەممىسى ناھايىتى ياخشى تاللاش، سالات قىيامىنىڭ ئورنىغا ئەسلى تەمدىكى قەنتسىز قېتىقنى ئىشلەتسە بولىدۇ، ئىسسىقلىق مىقدارى ئادەتتىكى سالات قىيامىغا قارىغاندا تۆۋەنرەك بولىدۇ. ئۆرۈك، دۇريان، لىجى قاتارلىق ئىسسىقلىق مىقدارى يۇقىرى يېمەكلىكلەرنى سالماسلىق كېرەك، ئورۇقلىغۇچىلارنىڭ يېيىشىگە ماس كەلمەيدۇ.
توخۇ گۆشى(鸡胸肉)
ھەرگىزمۇ گۆشنى ئورۇقلىغۇچىلارنىڭ چەكلەنگەن بۇيۇمى دەپ قالماڭ، توخۇ تۆش گۆشىگە ئوخشاش، ئۇنىڭ ياغ مىقدارى ناھايىتى تۆۋەن، شۇنىڭ بىلەن بىر ۋاقىتتا تەركىبىدە ئاقسىل مول بولۇپ، مۇسكۇلنى ئاشۇرۇپ، ماينى ئازايتىشقا پايدىلىق، نۇرغۇن بەدەن چېنىقتۇرۇش ماھىرى تاماق ئۈستىلىدىكى زۆرۈر يېمەكلىك. لېكىن، شۇنىڭغا دىققەت قىلىش كېرەككى، توخۇنىڭ تۆش گۆشىنى پىشۇرۇش ئۇسۇلى بەك مايلىق بولۇپ كەتمەسلىكى كېرەك، قورۇما قورۇش بەك قولايسىز، چۈنكى زىيادە كۆپ ماي يېمەكلىكنىڭ ئىسسىقلىق مىقدارىنى ئاشۇرۇپ، يېگەندىن كېيىن ئاسانلا ماي يىغىلىپ قالىدۇ، توخۇ تۆش گۆشىنى سۇدا پۇشۇرۇش كېرەك بۇ ئەڭ ياخشى ئۇسۇل، ئەگەر سۇدا پېشۇرۇلغان گۆشنىڭ ياخشى ئەمەسلىكىنى ھېس قىلسىڭىز، ھوردا پىشۇرسىڭىز بولىدۇ، ئازراق تۇز سېلىپ تەمىنى تەڭشىسىڭىز بولىدۇ، ئېسىڭىزدە بولسۇن، توخۇ تېرىسىنى ئېلىۋېتىڭ! چۈنكى توخۇ تېرىسىنىڭ ماي مىقدارى بىر قەدەر يۇقىرى.
خەيدەي شورپىسى (海带汤)
لامنارىيەنىڭ ئىسسىقلىق مىقدارى تۆۋەن بولۇپ، ھەر 100 گرامدىكى ئىسسىقلىق مىقدارى ئاران 12 كىلوكالورىيە بولۇپ، ئاساسىي جەھەتتىن يول ماڭغاندا خوراپ تۈگەيدۇ. دېڭىز ئوتى تەركىبىدىكى سېللۇلوزا ۋە يود ھەزىم قىلىشقا ياردەم بېرىپ، قالقانسىمان بەزنىڭ ئىقتىدارىنى ئاشۇرىدۇ. ھەمدە ئاشقازان سۇيۇقلۇقىنىڭ ئاجرىلىپ چىقىشىغا ياردەم بېرىپ، ئاشقازان-ئۈچەينىڭ لۆمۈلدىشىگە زور ياردىمى بولۇپ، قەۋزىيەتنى ياخشىلايدۇ. ئىسسىقلىق سەرپىياتى تېز بولۇپ، چوڭ تەرەتمۇ راۋانلىشىپ، ئورۇقلاش تەبىئىي ھالدا ئاز كۈچ بىلەن كۆپ ئىش قىلغانلىق بولىدۇ. لامنارىيەنى توخۇ تۆش گۆشى، ئورۇق گۆش، دۇفۇ بىلەن ئارىلاشتۇرۇپ شورپا قىلىشقا بولىدۇ، تەملىك ھەم ئورۇقلىتىدۇ.
مويۈ كۆك لازا قورۇمىسى (魔芋炒青椒)
ھەر 100 گرامىنىڭ ئىسسىقلىق مىقدارى ئاران 10~20 كىلوكالورىيە بولۇپ، ئىسسىقلىق مىقدارى ئىنتايىن تۆۋەن، ئۇنىڭ ئۈستىگە يېمەكلىك تالالىرى ئىنتايىن مول، گلۇكوماننان بىر خىل ئېرىشچان يېمەكلىك تالاسى بولۇش سۈپىتى بىلەن، يېمەكلىكلەردە ئىشلىتىشكە بولىدۇ تۆت ئەتراپىدا بىر خىل قوغداش قەۋىتى ھاسىل بولىدۇ، بۇ ئارقىلىق ھەزىم قىلىش ئېنزىمىنىڭ يېمەكلىك بىلەن تەسىر كۆرسىتىشىدىن ساقلانغىلى بولىدۇ. ئۇنىڭدىن باشقا، مويۈنىڭ كۆپۈش كوئېففىتسېنتى ناھايىتى چوڭ بولۇپ، ئازراق يېسىلا تويۇنۇش تۇيغۇسى بېرىدۇ ھەمدە باشقا يېمەكلىكلەرنىڭ قوبۇل قىلىنىشىنى ئازايتىدۇ .
كۆك مۇچنىڭ ھەر 100 گرامىنىڭ ئىسسىقلىق مىقدارى 22 كىلوكالورىيە ئەتراپىدا بولۇپ، تەركىبىدىكى كاپزائىتسىن ياغنىڭ خورىشى ۋە ئاشقازان-ئۈچەينىڭ لۆمۈلدىشىنى ئىلگىرى سۈرىدۇ، ئورۇقلىغۇچىلارنىڭ ياخشى تاللىشى بولالايدۇ. مويۈ، كۆك مۇچنى بۇ ئىككى خىل ئىسسىقلىق مىقدارى تۆۋەن يېمەكلىك ماتېرىيالى بىلەن بىللە پىشۇرغاندا، تەملىك بولۇپلا قالماي، يەنە سەمرىپ كېتىشتىن ئەنسىرىمىسىمۇ بولىدۇ.
ئورۇقلىتىش يېمەكلىكىنىڭ مۇھىم بىر پىرىنسىپى شۇكى، يېمەكلىك ماتېرىيالىنىڭ ئىسسىقلىق مىقدارى تۆۋەن، ماي مىقدارى تۆۋەن، شۇنىڭ بىلەن بىر ۋاقىتتا، ئەگەر تەركىبىدە ئادەم بەدىنىگە زۆرۈر بولغان ئوزۇقلۇق ماددىلار بولسا، تاماق ئېتىش ئۇسۇلى سۇس بولۇشنى ئاساس قىلىدۇ. يۇقىرىدا تونۇشتۇرۇلغان بىر نەچچە خىل قورۇمىدىن باشقا، كۆپچىلىك يەنە ئۆز تەمىگە ئاساسەن بىر قىسىم قورۇمىلارنى ماسلاشتۇرسا بولىدۇ. ئۇنىڭدىن باشقا، ئورۇقلاشتا مۇۋەپپەقىيەت قازىنىش ئۈچۈن، كۈندىلىك بەدەن چېنىقتۇرۇشمۇ كەم بولسا بولمايدۇ، يۈگۈرۈش، يوگا، سۇ ئۈزۈش قاتارلىق ئوكسىگېنلىق ھەرىكەتلەرنى كۆپرەك ئىشلەش كېرەك، ئورۇقلاشتا مۇۋەپپەقىيەت قازىنىشقا پېشاڭ بولالايدۇ.
| خۇش كەپسىز Discuz! Board (http://tibabat.com/) | Powered by Discuz! X3.3 |
