|
ھەسەل ئىچىش زۇكامغا پايدىلىقمۇ؟ زۇكام بولۇپ قېلىپ ھەسەل ئىچسە قانداق ئۈنۈم بېرىدۇ؟ كۆپچىلىك ھەسەلنى ئاز-تولا چۈشىنىدۇ، ئۇنىڭ تەمى تاتلىق بولۇپلا قالماستىن، سالامەتلىككىمۇ پايدىلىق. زۇكام كۆپچىلىك دائىم ئۇچرايدىغان ئەھۋال، بولۇپمۇ ھازىر تېمپېراتۇرا بىر قەدەر تۆۋەن، سەللا دىققەت قىلمىسا، زۇكامداپ قالىدىغان ئەھۋاللار كۆرۈلىدۇ. ئۇنداقتا ھەسەل ئىچسە زۇكامغا پايدىسى بولامدۇ؟ ھەسەل ئىچىشنىڭ زۇكامغا بەلگىلىك ياردىمى بولىدۇ، ئالدى بىلەن ھەسەلنىڭ تەركىبىدە مول ۋىتامىن، ئاكتىپ ئېنزىم، مىنېرال ماددا ۋە ۋىتامىن قاتارلىق 180 نەچچە خىل ئوزۇقلۇق تەركىبلەر بار، بۇ ماددىلار بەدەننىڭ بىر قىسىم ئوزۇقلۇق ماددىلارنى تولۇقلىشىغا ياردەم بېرىپ، زۇكامنىڭ بەدەن ھالىتىنى تېخىمۇ ياخشىلايدۇ. شۇنىڭ بىلەن بىر ۋاقىتتا، ھەسەلنىڭ تەركىبىدە يۇقىرى قويۇقلۇقتىكى شېكەر تۈرىدىكى ماددىلار بولۇپ، بىر قەدەر كۈچلۈك باكتېرىيە ئۆلتۈرۈپ ياللۇغ قايتۇرۇش رولى بار، يەنە بەدەننىڭ قىسمەن پاراكەندىچىلىكلىرىگە تاقابىل تۇرۇشىغا ياردەم بېرىدۇ، مەلۇم دەرىجىدە بەدەننىڭ قارشىلىق كۈچىنى ئاشۇرۇپ، زۇكامنىڭ ئەسلىگە كېلىشىنى تېزلىتىشكە بەلگىلىك ياردەم بېرىدۇ. 
ئۇنىڭ ئۈستىگە ھەسەلنىڭ تەركىبىدىكى ۋىتامىن، مىنېرال ماددا ۋە ئاكتىپ ئېنزىم قاتارلىق كۆپ خىل ئوزۇقلۇق تەركىبلەر بەدەندىكى ماددا ئالمىشىش ۋە قان ئايلىنىشنى ئىلگىرى سۈرۈپ، بەدەندىكى توكسىن ۋە كېرەكسىز ماددىلارنىڭ چىقىرىلىشىنى تېزلىتىپ، توقۇلما ھۈجەيرىلىرىنىڭ قايتا ھاسىل بولۇش ئىقتىدارىنى كۈچەيتىپ، زىيانغا ئۇچرىغان توقۇلما ھۈجەيرىلىرىنى تېزدىن ئەسلىگە كەلتۈرىدۇ، زۇكامنى پەسەيتىشتىمۇ قوشۇمچە رول ئوينايدۇ. بۇنىڭدىن باشقا، ھەسەل يەنە زۇكامدىن بولغان يۆتەل، بەلغەم كۆپ بولۇش ئەھۋالىنى پەسەيتىدۇ، چارتال ھەسىلىنىڭ تەركىبىدە چارتال ئۆسۈملۈكلىرىگە خاس ئوزۇقلۇق ماددا بار بولۇپ، چارتالنىڭ يۆتەلنى توختىتىش، بەلغەمنى بوشىتىش رولىغا ئىگە، كۆپچىلىك چارتال ھەسىلىنى ئاغزىغا سېلىپ بەش مىنۇت ئەتراپىدا تۇرغۇزغاندىن كېيىن يۇتۇۋەتسە بولىدۇ، بۇنىڭ ئۈنۈمى ئەڭ ياخشى بولۇپ، چارتال ھەسىلى بىلەن كېكىردەكنى تولۇق ئۇچراشتۇرغاندا، يۇتقۇنچاقتىكى باكتېرىيەلەرنى تىزگىنلەپ، گال قۇرغاقلىشىشنى ئۈنۈملۈك پەسەيتىپ، يۆتەلنى يېنىكلەتكىلى ۋە زۇكامنىڭ ياخشىلىنىشىغا ياردەم قىلغىلى بولىدۇ.
| 
ۋاقتى: 2025-1-28 13:48:44
ساقلاش