يۈگۈرۈش مەشىقى كىشىلەر ئەڭ كۆپ قوللىنىدىغان بىر خىل بەدەن چېنىقتۇرۇش ئۇسۇلى بولۇپ، بۇنىڭ ئاساسلىق سەۋەبى يۈگۈرۈش تېخنىكىسىنىڭ تەلىپى ئاددىي بولۇپ، ئالاھىدە مەيدان، كىيىم-كېچەك ياكى ئەسۋابلارنىڭ ھاجىتى يوق. ئۇنىڭ ئۈستىگە سالامەتلىككە پايدىسى كۆپ. 
يۈگۈرۈش ئەڭ ياخشى چېنىقىش ئۇسۇللىرىنىڭ بىرى، پەقەت بىر جۈپ راھەت ئاياغ بولسىلا، ساغلاملىق سەپىرىنى باشلىغىلى بولىدۇ. بۇنى ھەممە ئادەم بىلىدۇ، لېكىن ھەممە ئادەم بەرداشلىق بېرەلمەيدۇ، بەلكىم نەچچە قېتىم يۈگۈرۈپ، سالامەتلىكىڭىز ياخشى بولۇپ قالغاندەك ھېس قىلغان بولۇشىڭىز مۇمكىن، ئەمەلىيەتتە پەقەت بىر نەچچە كۈن يۈگۈرسەكلا، كۆڭلىمىزدىكى بەدەن شەكلى تېخىمۇ روشەنلىشىدۇ. يۈگۈرۈش ئارقىلىق بەدەن چېنىقتۇرۇشتا بەرداشلىق بېرىش بولسا ئەڭ مۇھىم ھالقا. ئۇنداقتا يۈگۈرۈشنى داۋاملاشتۇرۇشنىڭ بەدەنگە قانداق پايدىسى بار؟ قېنى بىرلىكتە كۆرۈپ باقايلى! 
1. كۆز: ئۇزۇنغا يۈگۈرۈشتە چىڭ تۇرىدىغانلارنىڭ ھەر كۈنى بىر سائەت ئەتراپىدا يىراققا نەزەر تاشلايدىغان ۋاقتى بولىدۇ، بۇ كۆزگە نىسبەتەن ناھايىتى ياخشى ئارام ئېلىش ھېسابلىنىدۇ، ئەگەر ئۆيىڭىزدە ئوقۇش يېشىدىكى بالىڭىز بولسا، ئۇ ھەر قېتىم كۈندە يۈگۈرۈشنى داۋاملاشتۇرغاندا، كۆزنىڭ يىراقنى كۆرەلمەسلىك نىسبىتى چوقۇم تۆۋەنلەيدۇ. 2. بويۇن، مۈرە، ئومۇرتقا: دائىم كومپيۇتېر ئالدىدا ئولتۇرىدىغان كىشىلەردە ئازدۇر-كۆپتۇر بويۇن ئومۇرتقىسى، مۈرە مەسىلىسى كۆرۈلىدۇ، توغرا يۈگۈرۈش ھالىتى دۈمبىنى تۈز ۋە ئازادە تۇتۇشنى تەلەپ قىلىدۇ، ئۇزاق مۇددەت داۋاملاشتۇرغاندا بويۇن ئومۇرتقىسى ۋە مۈرە قىسمىنىڭ بىئارام بولۇشى زور دەرىجىدە ياخشىلىنىدۇ. 
3. يۈرەك: يۈگۈرۈشنى داۋاملاشتۇرسىڭىز سىزنى كۈچلۈك ھەم ساغلام بولغان يۈرەك ۋە يۈرەك قان تومۇر ئىقتىدارىغا ئىگە قىلىدۇ. ئەڭ چوڭ ئوكسىگېن قوبۇل قىلىش مىقدارىنى ئاشۇرۇش بىلەن بىر ۋاقىتتا، بەدەندىكى ھەرقايسى ئەزالارغا توشۇلىدىغان ئوكسىگېن مىقدارى زور دەرىجىدە ئېشىپ، ھەرقايسى ئەزالارنىڭ خىزمەت سۈپىتى تەبىئىي ھالدا زور دەرىجىدە يۇقىرى كۆتۈرۈلىدۇ. ئۇنىڭدىن باشقا، ئوتتۇرا-ئۇزۇن ئارىلىققا يۈگۈرۈش قان ئايلىنىشنى تېزلىتىپ، تاجىسىمان ئارتېرىيەنى يۈرەك مۇسكۇلىغا يېتەرلىك قان بىلەن تەمىنلەپ، ھەر خىل يۈرەك كېسەللىكلىرىنىڭ ئالدىنى ئالىدۇ. تۆۋەنكى مۈچىنىڭ ھەرىكىتى ئارقىلىق ۋېنادىكى قاننىڭ يۈرەككە قايتىشىنى ئىلگىرى سۈرگىلى، يەنە ۋېنادىكى قان نوكچىسىنىڭ شەكىللىنىشىنىڭ ئالدىنى ئالغىلى بولىدۇ. 
4. قان: كۈچلۈك يۈرەك قان تومۇر سىستېمىسى بىلەن يۈگۈرگۈچىلەرنىڭ قان سۈپىتى ئادەتتىكى كىشىلەرنىڭكىدىن ياخشى بولىدۇ، بەدەننىڭ ئۇزۇن مۇددەت ئوتتۇرا ۋە ئۇزۇنغا يۈگۈرۈشكە ماسلىشىش ئۆزگىرىشى مېتابولىزمنى ياخشىلاپ، قاندىكى ماي ۋە ئۆت خالتىسىدىكى ستېرول سەۋىيەسىنى تۆۋەنلىتىدۇ . 5. ئۆپكە ۋە نەپەسلىنىش سىستېمىسى: ئۇزۇن مۇددەت ئوتتۇرا-ئۇزۇن ئارىلىققا يۈگۈرۈش مەشىقى ئۆپكىنىڭ ئىقتىدارىنى كۈچەيتىپ، ئۆپكىنىڭ سىغىمچانلىقىنى ئاشۇرىدۇ. قانۇنىيەتلىك ئۇزۇن ئارىلىققا يۈگۈرۈش ئۆپكىنىڭ نەپەسلىنىش مۇسكۇلىنى تەرەققىي قىلدۇرۇپ، ھەر قېتىملىق ھاۋا ئالماشتۇرۇش مىقدارىنى ئاشۇرۇپ ئۆپكە ئىقتىدارى كۈچىيىدۇ. 6. جىگەر: سالامەتلىك تەكشۈرتكەندە، ساغلام جىگەرنىڭ سىرتقى يۈزىدىكى قان تومۇر ۋە تومۇرلارنىڭ سىزىقچىلىرى ئېنىق بولىدۇ. يۈگۈرۈش جىگەرنى ماي قاپلاشنى يوقىتىدۇ، بۇ نۇرغۇن يۈگۈرگۈچىلەردە ئىسپاتلانغان بولۇپ، ناھايىتى ئۈنۈملۈك ئۇسۇل. 
7. قورساق قىسم مۇسكۇلىنى ساغلاملاشتۇرىدۇ. تۈز ياكى قورساق مۇسكۇلى يېرىقى روشەن بولغان قورساق نۇرغۇن كىشىلەرنىڭ ئارزۇسى، نۇرغۇن بەدەن چېنىقتۇرۇش تىرېنېرلىرىنىڭ تەكلىپى ۋە توردا تارقىلىپ يۈرگەن قورساق مۇسكۇلى مەشىقى قورساق مۇسكۇلىڭىزنى تېخىمۇ كۈچلەندۈرىدۇ ، بىراق سىز يەنە يۈگۈرىشىڭىز كېرەك، بۇنداق ئوكسىگېنلىق ھەرىكەت قورساق مۇسكۇلىنىڭ سىرتىدىكى قېلىن ياغنى چىقىرىۋېتىدۇ. ئەلۋەتتە، يەنە بەرداشلىق بېرىش كېرەك، چۈنكى قورساقتىكى ياغ ئەڭ ھىيلىگەر، سەللا بوشاڭلىق قىلسىڭىز ئۇ قايتۇرما زەربە بېرىدۇ. 8. بەل، ساغرا: يۈگۈرۈش ئارقىلىق بەدەن شەكلىنىڭ ئۆزگىرىشى ئەڭ ئاۋۋال مۇشۇ ئورۇندا ئىپادىلىنىدۇ، نۇرغۇن يۈگۈرگۈچىلەردە بۇ خىل كەچۈرمىش بولغان، بىر مەزگىل يۈگۈرگەندىن كېيىن، بەدەن ئېغىرلىقى كۆرۈنەرلىك تۆۋەنلىمىگەن، لېكىن بەدەن شەكلىدە كۆرۈنەرلىك ياخشىلىنىش بولىدۇ، بولۇپمۇ بەل سىزىقى تېخىمۇ چىرايلىق بولۇپ كېتىدۇ. 
9. تىز: بەزىلەر بەيلى يۈگۈرۈشتە پەقەت بىر تىزنى يارىلاندۇرىدۇ دەيدۇ، بۇ گەپنىڭ مەلۇم ئاساسى بار. يۈگۈرۈشنى قەتئىي داۋاملاشتۇرىدىغانلارنىڭ كۆپىنچىسى ئازدۇر-كۆپتۇر تىزىنىڭ زەخىملىنىشىگە ئۇچراپ باققان. ئەمما يۈگۈرۈشنى 10 يىلدىن ئارتۇق داۋاملاشتۇرغان نۇرغۇن ماھىرلار بىلەن پىكىر ئالماشتۇرۇش جەريانىدا، ئۇلار يۈگۈرۈشنى يېڭى باشلىغان چاغدىمۇ ئوخشاش مەسىلىگە دۇچ كېلىدىغانلىقىنى، بەزى كىشىلەر تېز ماڭسىمۇ تىزى ئاغرىيدىغانلىقىنى، ئەمما تەدرىجىي ئىلگىرىلەۋاتقانلىقىنى بىلدى ئاستا يۈگۈرۈش مىقدارىنىڭ جۇغلىنىشى ۋە كۈچ مەشىقىنىڭ تۈرتكىسىدە، تىز بارغانسېرى چىڭىيدۇ. 10. مۇسكۇل: قارىماققا پۇختا، ئېلاستىكلىققا ئىگە بولغان ، دائىم يۈگۈرىدىغان ئادەمنىڭ مۇسكۇل توقۇلمىلىرىدىمۇ ئۆزگىرىش بولىدۇ، بەلگىلىك ھەجىمدىكى مۇسكۇللاردىكى قىل قان تومۇرلارنىڭ تارقىلىش سانى زور دەرىجىدە ئېشىپ، يۇقىرى ئۈنۈملۈك ئوكسىگېن، ئوزۇقلۇق ماددىلار تېخىمۇ كۆپ بولىدۇ. 11. ئاشقازان-ئۈچەي: ئوتتۇرا-ئۇزۇن ئارىلىققا يۈگۈرۈش ئادەمنىڭ كەيپىياتىنى كۆتۈرەڭگۈ، ئۈمىدۋار قىلىدۇ، ئىشتىھانى ئېچىش، ھەزىم قىلىش ئىقتىدارىنى كۈچەيتىش، ئوزۇقلۇقنىڭ سۈمۈرۈلۈشىنى ئىلگىرى سۈرۈشكە پايدىلىق، ئەلۋەتتە، ئادەمنى تېخىمۇ ھەۋەس قىلدۇرىدىغىنى شۇكى، خالىغان يېمەكلىكنى يېيەلەيدۇ. 
12. مۇسكۇل: ئۇزۇن مۇددەت ئوتتۇرا-ئۇزۇن ئارىلىققا يۈگۈرۈش ئۆپكىنىڭ نەپەسلىنىش مۇسكۇلى، يۈرەك مۇسكۇلى، بويۇن مۇسكۇلى، كۆكرەك بوشلۇقى مۇسكۇلى، بىلەك مۇسكۇلى ۋە بەل، ساغرا، يوتا، پاقالچاق، پۇت قاتارلىق ئورۇنلاردىكى مۇسكۇللارنى كۈچەيتىدۇ ھەر قايسى مۇسكۇللاردا سۈت كىسلاتاسى ياكى كاربون تۆت ئوكسىد قاتارلىق مېتابولىزم ماددىلىرى ئاسان يىغىلىپ قالمايدۇ. يۈگۈرۈشنى بارلىق تەنھەرىكەتلەرنىڭ ئاساسى دېيىشكە بولىدۇ، ئۇ سىزنىڭ باشقا تەنھەرىكەت تۈرلىرىگە قاتنىشىشىڭىزغا ئاكتىپ تەسىر كۆرسىتىدۇ. 
13. سۆڭەك: ئۇزۇن مۇددەت ئۇزۇنغا يۈگۈرۈش ھەر قايسى بوغۇملارنىڭ كۈچلۈكلۈكى، تارىمۇشنىڭ يۇمشاقلىقىنى يۇقىرى كۆتۈرىدۇ ھەمدە سۆڭەكنىڭ كۈچلۈكلۈكى، زىچلىقىنى ئاشۇرۇپ، ئادەم قېرىغاندا چېكىنىش خاراكتېرلىك سۆڭەك شالاڭلىشىش كېسىلىگە گىرىپتار بولۇشتىن ساقلايدۇ.
| 
ۋاقتى: 2025-1-25 16:48:47
ساقلاش