ﻗﺎﺭﺍ ﻛﯜﻧﺠﯜﺗﻨﯩﯔ ﺋﻮﺯﯗﻗﻠﯘﻕ ﻗﯩﻤﻤﯩﺘﻰ ﻳﯘﻗﯩﺮﻯ ﺑﻮﻟﯘﭖ, ﮬﻪﺭ 100 ﮔﺮﺍﻡ ﻗﺎﺭﺍ ﻛﯜﻧﺠﯜﺕ ﺗﻪﺭﻛﯩﺒﯩﺪﻩ 21.9 ﮔﺮﺍﻡ ﺋﺎﻗﺴﯩﻞ, 61.7 ﮔﺮﺍﻡ ﻣﺎﻱ, 564 ﻣﯩﻠﻠﯩﮕﺮﺍﻡ ﻛﺎﻟﺘﺴﯩﻲ, 368 ﻣﯩﻠﻠﯩﮕﺮﺍﻡ ﻓﻮﺳﻔﻮﺭ, 50 ﻣﯩﻠﻠﯩﮕﺮﺍﻡ ﺗﯚﻣﯜﺭ, ﺑﯘﻧﯩﯖﺪﯨﻦ ﺑﺎﺷﻘﺎ ﯞﯨﺘﺎﻣﯩﻦA, ﯞﯨﺘﺎﻣﯩﻦ B, ﯞﯨﺘﺎﻣﯩﻦD, ﯞﯨﺘﺎﻣﯩﻦE ﻗﺎﺗﺎﺭﻟﯩﻖ ﺋﻮﺯﯗﻗﻠﯘﻕ ﻣﺎﺩﺩﯨﻼﺭ ﺑﺎﺭ. ﺗﯚﯞﻩﻧﺪﻩ ﻗﺎﺭﺍ ﻛﯜﻧﺠﯜﺗﻨﯩﯔ ﻳﻪﺗﺘﻪ ﭼﻮﯓ ﺷﯩﭙﺎﻟﯩﻖ ﺭﻭﻟﻰ ﺑﯩﻠﻪﻥ ﺗﯘﻧﯘﺷﯘﭖ ﭼﯩﻘﺎﻳﻠﻰ.
ﺑﯩﺮﯨﻨﭽﻰ. ﭼﺎﭼﻨﻰ ﻗﺎﺭﺍﻳﺘﯩﺪﯗ. ﻗﺎﺭﺍ ﻛﯜﻧﺠﯜﺕ ﺗﯩﻠﻐﺎ ﺋﯧﻠﯩﻨﻐﺎﻥ ﮬﺎﻣﺎﻥ ﺋﯘﻧﯩﯔ ﭼﺎﭼﻨﻰ ﻗﺎﺭﺍﻳﺘﯩﺶ ﺋﯜﻧﯜﻣﯩﻨﻰ ﺗﯩﻠﻐﺎ ﺋﺎﻟﻤﺎﻱ ﺗﯘﺭﺍﻟﻤﺎﻳﻤﯩﺰ. ﮬﺎﺯﯨﺮﻗﻰ ﺯﺍﻣﺎﻥ ﺗﻪﺗﻘﯩﻘﺎﺗﯩﺪﺍ ﭼﺎﭺ ﺗﯜﻙ ﺧﺎﻟﺘﯩﺴﯩﺪﯨﻜﻰ ﭘﯧﮕﻤﯧﻨﺖ ﮬﯜﺟﻪﻳﺮﯨﺴﯩﻨﯩﯔ ﻗﺎﺭﺍ ﭘﯧﮕﻤﯧﻨﺖ ﺋﺎﺟﺮﯨﺘﯩﭗ ﭼﯩﻘﯩﺮﯨﺸﯩﻨﯩﯔ ﺋﺎﺯﻻﭖ ﻛﯧﺘﯩﺸﻰ ﺋﺎﻕ ﭼﺎﭺ ﭘﻪﻳﺪﺍ ﺑﻮﻟﯘﺷﻨﯩﯔ ﺋﺎﺳﺎﺳﻠﯩﻖ ﺳﻪﯞﻩﺑﻰ ﺋﯩﻜﻪﻧﻠﯩﻜﻰ ﺋﯩﺴﭙﺎﺗﻼﻧﻐﺎﻥ, ﺑﯘﻧﯩﯔ ﺋﯩﭽﯩﺪﻩ ﺗﺮﻭﺯﯨﻦ ﺋﯧﻨﺰﯨﻤﯩﻨﯩﯔ ﺋﺎﺯﻻﭖ ﻛﯧﺘﯩﺸﻰ ﻛﯧﺴﻪﻟﻠﯩﻚ ﺳﻪﯞﻩﺑﯩﻨﯩﯔ ﺑﯩﺮﻯ. ﺗﻪﺗﻘﯩﻘﺎﺗﺘﺎ ﺑﺎﻳﻘﯩﻠﯩﺸﭽﻪ, ﻗﺎﺭﺍ ﻛﯜﻧﺠﯜﺗﻨﯩﯔ ﺳﯘﺩﺍ ﺋﺎﻳﺮﯨﯟﯨﻠﯩﻨﻐﺎﻥ ﺳﯘﻳﯘﻗﻠﯘﻗﻰ ﺗﺮﻭﺯﯨﻦ ﺋﯧﻨﺰﯨﻤﯩﻨﯩﯔ ﺷﻪﻛﯩﻠﻠﯩﻨﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ, ﻗﺎﺭﺍ ﭘﯧﮕﻤﯧﻨﺘﻨﯩﯔ ﮬﺎﺳﯩﻞ ﺑﻮﻟﯘﺵ ﻣﯩﻘﺪﺍﺭﯨﻨﻰ ﻳﯘﻗﯩﺮﻯ ﻛﯚﺗﯜﺭﯛﭖ, ﺋﺎﻕ ﭼﺎﭼﻨﻰ ﻗﺎﺭﺍﻳﺘﯩﺪﯨﻜﻪﻥ.
ﺋﯩﻜﻜﯩﻨﭽﻰ. ﺗﯧﺮﯨﻨﻰ ﺋﺎﺳﺮﺍﻳﺪﯗ ﯞﻩ ﮔﯜﺯﻩﻟﻠﻪﺷﺘﯜﺭﯨﺪﯗ. ﻗﺎﺭﺍ ﻛﯜﻧﺠﯜﺗﻨﯩﯔ ﺗﯧﺮﯨﻨﻰ ﺋﺎﺳﺮﺍﺵ, ﺗﯧﺮﯨﻨﻰ ﮔﯜﺯﻩﻟﻠﻪﺷﺘﯜﺭﯛﺵ ﺭﻭﻟﻰ ﺑﺎﺭ ﺑﻮﻟﯘﭖ, ﺗﯧﺮﯨﻨﻰ ﻳﯘﻣﺸﺎﻕ, ﺯﯨﻞ ﯞﻩ ﺳﯩﻠﯩﻖ ﻗﯩﻠﯩﺪﯗ. ﺋﺎﺩﻩﺕ ﺧﺎﺭﺍﻛﺘﯧﺮﻟﯩﻚ ﻗﻪﯞﺯﯨﻴﻪﺕ ﺑﻮﻟﯩﺪﯨﻐﺎﻥ ﻛﯩﺸﯩﻠﻪﺭﻧﯩﯔ ﺋﯜﭼﯩﻴﯩﺪﻩ ﻳﯧﻐﯩﻠﯩﭗ ﻗﺎﻟﻐﺎﻥ ﺯﻩﮬﻪﺭﻟﯩﻚ ﻣﺎﺩﺩﯨﻼﺭ ﺟﯩﮕﻪﺭﮔﻪ ﺯﯨﻴﺎﻥ ﻗﯩﻠﯩﺪﯗ ﮬﻪﻣﺪﻩ ﺗﯧﺮﯨﻨﯩﯔ ﻳﯧﺮﯨﻜﻠﯩﺸﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ. ﻗﺎﺭﺍ ﻛﯜﻧﺠﯜﺗﻨﯩﯔ ﺋﯜﭼﻪﻳﻨﻰ ﺭﺍﯞﺍﻧﻼﺷﺘﯘﺭﯗﭖ ﻗﻪﯞﺯﯨﻴﻪﺗﻨﻰ ﺩﺍﯞﺍﻻﺵ ﮬﻪﻣﺪﻩ ﺗﯧﺮﯨﻨﻰ ﻧﻪﻣﻠﻪﺵ ﺭﻭﻟﻰ ﺑﺎﺭ.
ﺋﯜﭼﯩﻨﭽﻰ. ﺋﻮﺭﯗﻗﻠﯩﺘﯩﺪﯗ. ﻗﺎﺭﺍ ﻛﯜﻧﺠﯜﺗﻨﯩﯔ ﺗﻪﺭﻛﯩﺒﯩﺪﻩ ﺳﻪﻣﯩﺮﯨﭗ ﻛﯧﺘﯩﺸﻜﻪ ﻗﺎﺭﺷﻰ ﺗﯘﺭﯨﺪﯨﻐﺎﻥ ﻟﯧﺘﺴﯩﺘﯩﻦ, ﺧﻮﻟﯩﻦ, ﻣﯘﺳﻜﯘﻝ ﮔﻠﻜﻮﮔﯩﻦ ﻣﺎﺩﺩﯨﺴﻰ ﺑﺎﺭ. ﺷﯘﯕﺎ ﺋﯘﻧﻰ ﻛﯚﭖ ﺋﯩﺴﺘﯧﻤﺎﻝ ﻗﯩﻠﺴﯩﻤﯘ ﺋﺎﺩﻩﻡ ﺳﻪﻣﯩﺮﯨﭗ ﻛﻪﺗﻤﻪﻳﺪﯗ. ﻧﺎﯞﺍﺩﺍ ﻗﺎﺭﺍ ﻛﯜﻧﺠﯜﺗﻨﻰ ﺗﻪﯕﺸﻪﭖ ﺋﯩﺴﺘﯧﻤﺎﻝ ﻗﯩﻠﺴﺎ, ﻳﯧﺮﯨﻜﻠﻪﺷﻜﻪﻥ ﺗﯧﺮﯨﻨﻰ ﻳﺎﺧﺸﯩﻼﻳﺪﯗ.
ﺗﯚﺗﯩﻨﭽﻰ. ﻛﺎﻟﺘﺴﯩﻲ ﺗﻮﻟﯘﻗﻼﻳﺪﯗ. ﻛﺎﻟﺘﺴﯩﻲ ﺗﻮﻟﯘﻗﻼﺵ ﺗﯩﻠﻐﺎ ﺋﯩﻠﯩﻨﺴﺎ, ﻛﯩﺸﯩﻠﻪﺭ ﺳﯜﺕ ﺑﯩﻠﻪﻥ ﺗﯘﺧﯘﻣﻨﻰ ﺋﻪﺳﻜﻪ ﺋﺎﻟﯩﺪﯗ. ﻟﯧﻜﯩﻦ ﻗﺎﺭﺍ ﻛﯜﻧﺠﯜﺕ ﺗﻪﺭﻛﯩﺒﯩﺪﯨﻜﻰ ﻛﺎﻟﺘﺴﻲ ﻣﯩﻘﺪﺍﺭﯨﻨﯩﯔ ﺳﯜﺕ ﯞﻩ ﺗﯘﺧﯘﻣﻨﯩﯖﻜﯩﺪﯨﻦ ﻳﯘﻗﯩﺮﻯ ﺋﯩﻜﻪﻧﻠﯩﻜﯩﻨﻰ ﺑﯩﻠﻤﻪﻳﺪﯗ. ﮬﻪﺭ 100 ﮔﺮﺍﻡ ﻗﺎﺭﺍ ﻛﯜﻧﺠﯜﺕ ﺗﻪﺭﻛﯩﺒﯩﺪﯨﻜﻰ ﻛﺎﻟﺘﺴﯩﻲ ﻣﯩﻘﺪﺍﺭﻯ 800 ﻣﯩﻠﻠﯩﮕﺮﺍﻣﻐﺎ ﻳﯧﺘﯩﺪﯗ. ﺑﯩﺮﺍﻕ ﮬﻪﺭ 100 ﮔﺮﺍﻡ ﺳﯜﺕ ﺗﻪﺭﻛﯩﺒﯩﺪﯨﻜﻰ ﻛﺎﻟﺘﺴﯩﻲ ﻣﯩﻘﺪﺍﺭﻯ ﺋﺎﺭﺍﻧﻼ 200 ﮔﺮﺍﻡ ﺋﻪﺗﺮﺍﭘﯩﺪﺍ. ﺑﯘﻧﯩﯖﺪﯨﻦ ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯗﻛﻰ, ﻗﺎﺭﺍ ﻛﯜﻧﺠﯜﺕ ﻛﺎﻟﺘﺴﯩﻲ ﺗﻮﻟﯘﻗﻼﺷﺘﯩﻜﻰ ﻳﺎﺧﺸﻰ ﻣﻪﮬﺴﯘﻻﺕ.
ﺑﻪﺷﯩﻨﭽﻰ. ﻗﯧﺮﯨﺸﻨﻰ ﻛﯧﭽﯩﻜﺘﯜﺭﯨﺪﯗ. ﻗﺎﺭﺍ ﻛﯜﻧﺠﯜﺕ ﺗﻪﺭﻛﯩﺒﯩﺪﯨﻜﻰ ﻣﯩﻘﺪﺍﺭﻯ ﺋﻪﯓ ﻛﯚﭖ ﺑﻮﻟﻐﺎﻥ ﺗﻪﺭﻛﯩﺐ ﯞﯨﺘﺎﻣﯩﻦE ﺑﻮﻟﯘﭖ, ﻛﯩﺸﯩﻠﻪﺭ ﺑﯘﻧﻰ ﻗﯧﺮﯨﺸﻨﻰ ﻛﯧﭽﯩﻜﺘﯜﺭﯨﺪﯨﻐﺎﻥ ﯞﯨﺘﺎﻣﯩﻦ ﺩﻩﭖ ﺋﺎﺗﺎﻳﺪﯗ. ﺋﯘﻧﯩﯔ ﻗﺎﻥ ﺋﺎﻳﻠﯩﻨﯩﺸﻨﻰ ﻳﺎﺧﺸﯩﻼﭖ, ﻣﯩﺘﺎﺑﻮﻟﯧﺰﯨﻤﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺭﻭﻟﻰ ﺑﺎﺭ.
ﺋﺎﻟﺘﯩﻨﭽﻰ. ﺋﺎﺭﺗﯧﺮﯨﻴﻪ ﻗﯧﺘﯩﺸﯩﺶ ﯞﻩ ﻳﯘﻗﯩﺮﻯ ﻗﺎﻥ ﺑﯧﺴﯩﻤﻨﯩﯔ ﺋﺎﻟﺪﯨﻨﻰ ﺋﺎﻟﯩﺪﯗ. ﻗﺎﺭﺍ ﻛﯜﻧﺠﯜﺕ ﺗﻪﺭﻛﯩﺒﯩﺪﻩ ﻣﻮﻝ ﻣﯩﻘﺪﺍﺭﺩﺍ ﻟﯧﺘﺴﯩﺘﯩﻦ ﯞﻩ ﻛﯩﻨﻮﻥ ﻛﯧﺴﻼﺗﺎﺳﻰ ﺑﺎﺭ. ﺋﯘ ﺋﺎﺭﺗﯧﺮﯨﻴﻪﻧﯩﯔ ﺑﻮﺗﻘﯩﺴﯩﻤﺎﻥ ﻗﯧﺘﯩﺸﯩﺸﻨﻰ ﺩﺍﯞﺍﻻﭘﻼ ﻗﺎﻟﻤﺎﻱ, ﻣﯧﯖﯩﻨﻰ ﻗﯘﯞﯞﻩﺗﻠﻪﭖ ﺋﻪﺳﺘﻪ ﺗﯘﺗﯘﺵ ﺋﯩﻘﺘﯩﺪﺍﺭﯨﻨﻰ ﺋﺎﺷﯘﺭﯨﺪﯗ ﮬﻪﻣﺪﻩ ﭼﺎﭼﻨﯩﯔ ﺑﺎﻟﺪﯗﺭ ﺋﺎﻗﯩﺮﯨﭗ ﻛﯧﺘﯩﺸﻨﯩﯔ ﺋﺎﻟﺪﯨﻨﻰ ﺋﺎﻟﯩﺪﯗ. ﻛﯜﻧﺠﯜﺕ ﻣﯧﻴﯩﻨﯩﯔ ﺧﻮﻟﺴﺘﺮﻭﻧﻨﻰ ﺗﯚﯞﻩﻧﻠﯩﺘﯩﺶ ﺭﻭﻟﻰ ﺑﻮﻟﻐﺎﭼﻘﺎ, ﻗﺎﻥ ﺗﻮﻣﯘﺭ ﻗﯧﺘﯩﺸﯩﺶ, ﻳﯘﻗﯩﺮﻯ ﻗﺎﻥ ﺑﯧﺴﯩﻢ ﺑﯩﻤﺎﺭﻟﯩﺮﯨﻨﯩﯔ ﺋﯩﺴﺘﯧﻤﺎﻝ ﻗﯩﻠﯩﺸﯩﻐﺎ ﻣﺎﺱ ﻛﯧﻠﯩﺪﯗ.
ﻳﻪﺗﺘﯩﻨﭽﻰ. ﻳﯜﺭﻩﻙ-ﻣﯧﯖﻪ ﻗﺎﻥ ﺗﻮﻣﯘﺭﻟﯩﺮﯨﻨﻰ ﻛﯜﭼﻠﻪﻧﺪﯛﺭﯨﺪﯗ. ﻛﯜﻧﺠﯜﺕ ﻣﯧﻴﻰ «ﻗﺎﻥ ﺗﻮﻣﯘﺭﻧﻰ ﺗﺎﺯﯨﻼﺵ ﺩﻭﺧﺘﯘﺭﻯ» ﺩﻩﭖ ﺋﺎﺗﯩﻠﯩﺪﯗ. ﺋﯘ ﺧﻮﻟﺴﺘﺮﻭﻧﻨﯩﯔ ﻣﺎﺩﺩﺍ ﺋﺎﻟﻤﯩﺸﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ, ﻳﯜﺭﻩﻙ-ﻣﯧﯖﻪ ﻗﺎﻥ ﺗﻮﻣﯘﺭﻟﯩﺮﻯ ﺩﯨﯟﺍﺭﯨﺪﯨﻜﻰ ﭼﯚﻛﻤﯩﻠﻪﺭﻧﻰ ﺗﺎﺯﯨﻼﭖ, ﻗﺎﻥ ﺗﻮﻣﯘﺭﻧﻰ «ﻳﺎﺵ» ﮬﺎﻟﻪﺗﺘﻪ ﺳﺎﻗﻼﻳﺪﯗ. (ﺋﻪﻧﯟﻩﺭ ﺳﺎﺗﺘﺎﺭ ﺗﻪﺭﺟﯩﻤﯩﺴﻰ)
